*سنو!! ایسا نہیں کرتے*
سنو!! ایسا نہیں کرتے
محبت کرنے والوں کو
کبھی رسوا نہیں کرتے
تمہیں معلوم ہے نا!
یہ جہاں دشمن ہے چاہت کی
ہزاروں لوگ میں
بس کوئی کوئی ایسا ملتا ہے
جن کو ہماری فکر ہوتی ہے
ہمارا ایک اک لمحہ
کسی کو پیارا ہوتا ہے
وہ ان کو کھو نہیں سکتے
تمہیں معلوم ہے نا!
وہ درد کے ساگر میں اکثر ڈوب جاتے ہیں
مگر رویا نہیں کرتے
کیونکہ
انہیں اپنی محبت پر یقیں ہی اتنا ہوتا ہے
انہیں لگتا ہے
چاہت کا پرندہ اڑ بھی جائے تو
اسے پھر شام ہوتے
لوٹ کر آنا ہی پڑتا ہے
سنو!!
ایسا نہیں کرتے
وہ جن کے دل میں چاہت کی شمع ہر ایک لمحہ جلتی رہتی ہے
یہ قدرت کا دیا انعام ہیں
انہیں کھویا نہیں کرتے
محبت کی زمیں پر بے رخی کے بیج
بھولے سے کبھی بویا نہیں کرتے..
.
انتخاب
No comments:
Post a Comment