واہمہ

کبھی ایسا بھی ہوتا ہے
کہ جو محبوب ہوتا ہے
وہی تکلیف دیتا ہے
کبھی ایسا بھی لگتا ہے
کہ میرے بن
کوئی دنیا سے بیگانہ
کہیں بیٹھا ہوا ہوگا
مجھے ہی سوچتا ہوگا
ہواؤں سے
گھٹاؤں سے
میرے بارے میں روکر پوچھتا ہوگا
کبھی ایسا بھی لگتا ہے
کہ کوئی یاد میں میری
تڑپ کر جی رہا ہوگا
مگر ایسا نہیں ہوتا
کسے خواہش ہے؟
جو تنہائیوں کو نذر غم کردے
کسے فرصت ہے؟
جو اس مسکراتی زندگی کی شام کے
لمحوں کو کم کردے
محبت کی یہ باتیں
محض اک واہمہ ہے
سبھی اپنے جہاں میں خوش ہیں
یہ ایسا جام ہے چشتی
جسے پینا ہی پڑتا ہے
طبیعت ہو یا نہ ہو دوستو!!
جینا ہی پڑتا ہے

©ایم آر چشتی