کیا زندگی میں وقت وہ آیا؟ نہیں نہیں
اک لمحہ میں نے تم کو بھلایا؟ نہیں نہیں

سچی محبتوں میں دکھاوے کا کام کیا؟
کیا راستوں کو گل سے سجایا؟ نہیں نہیں

کیا میں تمہاری یاد میں رویا تمام رات؟
کیا چاند کو بھی ساتھ جگایا نہیں نہیں

میں نے تمہارے نام لکھے خط جلادئیے
اور ڈائری کو سب سے چھپایا نہیں نہیں

میں دفتری امور میں مشغول بھی رہا؟
وعدہ وفا کا ہنس کے نبھایا نہیں نہیں

کیا ساتھ ساتھ جینے کی قسمیں بھی کھائی ہیں؟
تم کو کبھی گلے سے لگا یا؟ نہیں نہیں

انمول کر دیا ہے کبھی خود کو میری جان
کوئی مجھے خرید نہ پایا؟ نہیں نہیں

بے کار ڈھونڈتے ہو اجالوں کے شہر میں
اب عشق بس چکا ہے کتابوں کے شہر میں

ایم آر چشتی