❤نا مکمل Na Mukammal ❤

اب مرے دن بھی نکھرے نکھرے ہیں
میرے راتیں بھی اب اداس نہیں
بھیڑ میں کھو گیا ہوں غیروں کی
کیا ہوا تو جو میرے پاس نہیں

Ab mere Din bhi Nikhre Nikhre hain,
meri raaten bhi Ab udaas nahi, 
Bheed me kho gaya hun ghairon ki, ,
Kya hua Tu jo mere paas nahi

چاندنی راس آرہی ہے مجھے
پھول بھی خوب مجھ پہ سجتے ہیں
تو جسے نا پسند کرتی تھی
اب وہ کپڑے بھی مجھ پہ جچتے ہیں

Chandni raas aa rahi hai mujhe, 
Phool bhi khoob mujhpe sajte hain, 
Tu jise na pasand karti thi,
 Ab wo kapde bhi mujhpe jachte hain,

دور ہوں اب پرانی فلموں سے
اب نئ فلموں سے محبت ہے
نئے گانے پسند ہیں مجھ کو
اب کچھ ایسی ہی میری عادت ہے

Door hun ab purani filmon se,
 Nayi filmon se ab muhabbat hai,
 Naye gaane pasand hain mujhko,
Ab kuchh aisi hi meri adat hai

ڈائری میں بڑی محبت سے
تو نے جو  اپنا نام لکھا تھا
آج وہ صفحہ میں نے پھار دیا
جس پہ تونے پیام لکھا تھا

Diary me Badi muhabbat se,
 Tune jo apna naam likha tha,
Aaj wo safha Maine phaar diya,
Jispe tune payaam likha tha.

نہ ضرورت رہی مجھے تیری
نہ کبھی تیرا نام لیتا ہوں
نہ میں کرتا ہوں ذکر اب تیرا
نہ محبت کا جام لیتا ہوں

Na zaroorat rahi mujhe teri,
 Na kabhi tera naam leta hun,
na main karta hun zikr ab tera,
Na muhabbat ka jaam leta hun,

جاگنا اب نہیں رہی عادت
اب تو راحت کی نیند آتی ہے
نیند آتے ہی میرے خوابوں میں
اب کوئی اور مسکراتی ہے

Jaagna ab nahi rahi aadat,
 Ab to rahat ki neend aati hai, 
Neend aate hi mere khwaabon me,
 Ab koi aur muskuraati hai,

کوئی رشتہ نہیں رہا تجھ سے
نہ مجھے اب تری ضرورت ہے
رشک آتا ہے زندگانی پر
مجھ کو حاصل بہار جنت ہے

Koi rishta nahi raha tujhse,
 Na mujhe ab teri zaroorat hai,
Rashk aata hai zindagani par,
Mujhko haasil bahaare Jannat hai,

یاد ہے تجھ کو وہ حسیں صورت
جس کی آنکھیں پسند تھیں مجھ کو
میں نے اک بار کہ دیا تھا تجھے
یاد ہے؟ کیا ہوا تھا پھر تجھ کو

Yaad hai tujhko wo haseeN soorat,
Jiski ankhen pasand theeN mujhko,
Maine ek baar kah diya tha tujhe,
Yaad hai kya hua tha Phir tujhko?

میرے دل کی مکین ہے اب وہ
بس وہی اب مری ضرورت ہے
اس کی بانہوں میں مجھ کو جینا ہے
وہ مری آخری محبت ہے

Mere dil ki makeen hai ab wo,
Bas wahi ab meri zaroorat hai,
Uski baanhon me mujhko jeena hai,
Wo meri aakhiri muhabbat hai,

فیس بک پہ جو پوسٹ کرتا ہوں
تبصرہ وہ ضرور کرتی ہے
وہاٹس اپ پہ "وفا" کے نام سے وہ
ہر گھڑی آنلائن رہتی ہے

Facebook pe jo post karta hun,
 Tabsira wo zaroor karti hai,
 Whatsapp pe "Wafa" ke naam se wo,
Har ghadi online rahti hai,

اس کی تصویر میری آنکھوں میں
رنگ بن بن کے جھلملاتی ہے
"کیا غضب ہے کہ اب تری صورت
یاد کرنے پہ یاد آتی ہے "

Uski Tasweer meri ankhon me,
 Rang ban ban ke jhilmilati hai,"
Kya ghazab hai ki ab teri soorat,
Yaad karne pe yaad aati hai"

خوب ہنستا ہوں گنگناتا ہوں
دیکھ کتنا بدل گیا ہوں میں
تجھ سے کھو کر نئ محبت کے
کیسے سانچے میں ڈھل گیا ہوں میں
Khoob hansta hun muskurata hun,
 Dekh Kitna badal gaya hun main,
Tujhko kho kar nayi muhabbat ke,
Kaise saanche me dhal gaya hun main?
________________________

یاد ہے تجھ کو ایک دن تو نے
یہ کہا تھا کہ "تم تو ساحر ہو
جھوٹ کو سچ بنایا کرتے ہو
لفظوں کو جوڑنے میں ماہر ہو"

Yaad hai tujhko ek din toone,
 Yeh kaha tha ki  "Tum to sahir ho,
Jhoot ko Sach banaya karte ho,
 Lafzon ko Jodne me Maahir ho,

لو تجھے سچی بات کہتا ہوں
مجھ کو دیکھو میں کتنا ٹوٹا ہوں
تجھ کو کھوکر مجھے سکون کہاں
واقعی میں بہت ہی جھوٹا ہوں

Lo tujhe Sachchi baat kahta hun,
Mujhko Dekho main Kitna Toota hun,
 Tujhko khokar mujhe sakoon kahan,
 Waqai main bahut hi jhoota hun,

باغ ہستی کی صرف تو ہے بہار
تیرے ملنے سے ہی میں پورا ہوں
جب سے تو دور ہے خدا کی قسم
ایسا لگتا ہے میں ادھورا ہوں

Baaghe hasti ki sirf Tu hai bahaar,
 Tere milne se hi main poora hun,
 jab se Tu door hai Khuda ki qasam,
Main adhura hun main adhura hun

🌻ایم آر چشتی M R Chishti🌻